Lemmyn, 2008 yw ha SWF yw oll akordys, my ha neb erell a vynn dalleth movyans skol meythrin kernewek. Piw a yll gweres?

Pyth yw an poynt? A pe tas po mamm ow klappya Kernewek orth an fleghes, heb mar i a wra y glappya ynwedh -- a-ji y'n chi. Skant nevra ny wra ommettya gans tus erell a gews an yeth. Nyns yw fleghes gokki, i a wel yn skon dell usi oll an bys ow klappya Sowsnek, dell yw Kernewek marnas neb sians aga herens.

Nans yw 20 blydhen yth esa genen ni Dalleth, ha nebes teylu a-hys Kernow ow kewsel Kernewek orth aga fleghes, hag ommettya warbarth pan vedha hwarvos Kernewek. Hag oll an fleghes-na a ylli usya an yeth (moy po le) ha'y gonvedhes.

Ha lemmyn, nans yw ugens blydhen, ple mons i? Brassa rann anedha gyllys mes a Gernow rag dyskans pella hag ober. Nebes martesen hwath omma. Yns i an dus yowynk ow ledya an movyans Kernewek? Nag yns, my a grys. Yma gansa "puskes erell rag fria" heb mar.

Martesen, yn kres-oes, nebes a wra dehweles. Mes ena aga fleghes aga honan a vydh tevys ha gyllys mes a'n neyth. Yndella ny vydh 'intergenerational transmission' vyth. Ytho, pyth yw an poynt?

Ni re beu ena, re'n gwrug ev, re wiskas an krys-T ...

Ottomma govynnadow a dal bos gorthybys :

*** Fatell aller kevys nebes teylu a gernewegoryon?

*** Fatell yllons i bos trigys yn ogas warbarth?

*** Prag a vynn aga fleghes pesya gans Kernewek mes a'n chi?

*** Pyth yw poynt a Gernewek dhe dus yowynk, ha brassa rann a Gernewegoryon tus koth, hag ow tos ha bos kottha pubtydh-oll?

Yn kettermyn, porth kov, yma lies pobel ha yeth ow kovynn porran an keth traow-ma, oll a-dro dhe'n bys y'n dydhyow-ma. Martesen nebonan re gavas gorthybow?

An poynt yw - an gwedrenn yw hanter leun, nyns yw hanter gwag.
An poynt yw - yma skol meythrin yn oll an broyow keltek marnas Kernow ha Ynys Manow.

Dalleth o splann mes nyns yw skol meythrin an keth tra.
Nyns eus edhomm rag lies teylu a gernewegoryon.
Oll an fleghes a vydh bos trigys yn ogas warbarth.
Aga fleghes a yll pesya gans Kernewek y'n nessa skol.(martesen)
An poynt yw ... Kernewek yw rag tus yowynk ha tus koth.

Wel, nyns ov vy re goth! ;-)

My akordys, yma tyli dhymm skol meythrin Kernewek.
Mar ty maga agas fleghes ow glappya kernewek, i ny wra gul defnydh a ev orth skol, ha ytho, nyns eus us ragdho!
An gradh kynsa dhe formya an yeth kynsa yn kernow kernewek, ni bos red dhe formya skolyow kernewek!

TEL
PS. I hope you can understand that, this is my first proper post in Cornish :-D

CJenkin said:

An poynt yw - an gwedrenn yw hanter leun, nyns yw hanter gwag.
An poynt yw - yma skol meythrin yn oll an broyow keltek marnas Kernow ha Ynys Manow.

---

Marnas Kernow full stop

http://www.mv.chrislittler.co.uk/

http://www.iomtoday.co.im/manx-language/TA-MOOINJER-VEGGEY-JEIH-BLEEANEY.1836814.jp

http://www.manxheritage.org/language/english/manx_gaelic_school.html

http://www.sch.im/bunscoill/bgcontents.htm

Ha lies moy. Gwrewgh google rag "Mooinjer Veggey".

Yma dew boynt omma :

1. Manow yw ynys nebes byghan. Pan nag esa marnas onan bagas/skol oll an fleghes a ylli kuntell warbarth ena, a bub tu. Kernow yw tanow ha 70 milldir hy hys!

2. Manow yw yn-mes a'n UK gan hy governans hy honan ha'y system adhyskans hy honan. Nyns yw taklow rewlys gans Londres pell!

Dalleth o splann mes nyns yw skol meythrin an keth tra.
Nyns eus edhomm rag lies teylu a gernewegoryon.
Oll an fleghes a vydh bos trigys yn ogas warbarth.

---

Sur nag yw. Bydh res kavoes tus freth lowr (ha hardh lowr!) rag spena meur a dermyn worth an fleghes pubtydh heb klappya Sowsnek vyth. Piw yns i? Ple yns i?

Aga fleghes a yll pesya gans Kernewek y'n nessa skol.(martesen)

---

Henn yw an pyth a hwarva yn Manow, ha leow erell my a grys.

An poynt yw ... Kernewek yw rag tus yowynk ha tus koth.

Wel, nyns ov vy re goth! ;-)

---

Nag os! Sur, nag os! An poynt yw, Kernewek a dal bos rag an re yowynk dres oll, hebdha, fatell yll an yeth pesya?

Morvran a lever neppyth a-les: fatell yllyn kavoes moy a Gernewegoryon trigys yn ogas? My a glappyas gans nebes huni warlyna a-dro dhe vovya war-tu ha 'Kernewegva'. Yw possybyl? Eus fordh dh'y wul.

A ny goedh bos honna: Skol Veythrin?

Egloshal said:

A ny goedh bos honna: Skol Veythrin?

---

Yn wir - Skol veythrin (my a wrug prederi yn kever "Mudiad Ysgolion Meithrin")
gav dhym - ow kernewek yw drog!
Martesen - "Movyans Skolyow Meythrin"

Da yw dha Gernewek... mes pubonan a as treylyansow dhe goedha!

Marthus yw an pyth re hwarva yn Manow dres an deg blydhen eus passys. Nans yw a-dro dhe 15 blydhen, pan esen vy esel aga howethas rag an yeth (Manow ov yn rann), dell hevel yth esa le ow hwarvos ages yn Kernow, ha manowek na moy dell grysen es hobbi rag neb hanterkans den.

Da via konvedhes yn ta fatell wrussons i mar dha!!

Egloshal : Ottomma an nowedhow ;-)

[url]http://www.learnmanx.com/stories/naight/naight%20Luanistyn%202007.pdf[/url]

[url]http://www.learnmanx.com/stories/naight/Naight%20Mean%20Fouyir%202007.pdf[/url]