Trek Ster yn Kernewek - an hwedhel yn unnik - na bost menegow marpleg!!!!

Rag an re na ujy ow cowsel Kernowek a nivel avoncys ew an glapva ma / Rag an re na usi ow kewsel Kernewek a nivel avoncys yw an glapva ma
This forum is for those who speak advanced Cornish

Postby Egloshal » Fri Feb 08, 2008 7:23 pm

Y teuth an Ynterprys yn kylgh a-der-dro planet koynt na veu gwelys nevra kyns gans lagas mabden na vulcan. Kirk a viras orth an enep pols, kyns es govynn orth Spock rag kedhlow a-dro dhe'n ayrgylgh ha'n toemmder.

"Poran kepar ha'n Norvys yw" yn-medh ev yn sad.

Uhura a dreylyas yn hy hador.

"Yma an negys kevrinek ow pesya der sinel koth tonn-radyo."

Kirk re glywas an taves kewsys. Y hevelis bos yeth mabdenek, byttegyns nag esa kovskrif anodho yn jynn amontya an gorhel-ster.

"Pareusyn ni pellberthi dhe enep an planet," yn-medh hag ev ow kasa y gador-gresek. "Spock ha Bones... yth esowgh ow tos genev. Mester Scott - ty a'th eus an con".

Gans henna, an tri den a asas an pons.
Egloshal
 
Posts: 627
Joined: Sat Apr 02, 2005 11:36 am

Postby Egloshal » Fri Feb 08, 2008 7:24 pm

MORVRAN A SKRIFAS...

Enep an planet. Goendir garow menek. Glaw a wra hwythyz a gledh dhe dhyghow y'n gwyns. Krakk taran ha lughez. Yn lent an tri figur a omdhiskwa ha mirez a-dro dhedha avel havyzi gellyz. Spokk yw an kynsa dhe omsynsi

Spokk [Ow mirez troha'n leur] : Mirewgh!

Eskyrn a omblek ow kavoez neppyth mes a'n gwrug

Kirk : Pyth eus genes, Eskyrn? Eus skrif warnodho?

Eskyrn [owth hokkya] : Lytherennans yw, Jim ... mez diazwonnyz dhyn ni.

<> NO COMMENTS PLEASE THIS TIME!!!
Egloshal
 
Posts: 627
Joined: Sat Apr 02, 2005 11:36 am

Postby Krezhakara » Sat Feb 23, 2008 12:26 am

"Py par lytherennans yw, Eskyrn?" a leveris Kirk.
"Ny wonn, mes yw koth dell hevel. Pur goth."
Spock a gemmeras y skanner a'y sagh byghan. Y wolow las ha lymm a skanyas an lytherennow koynt war an leur.
"My a wra y ughkargya dhe'n lab-skians war Ynterprys, may fo chekkys gans an jynn-amontya kres Lu Lestri Ster.
Wosa diw po teyr mynysenn, an govynn a Ynterpris o marthys yn-tien...
Krezhakara
 
Posts: 3
Joined: Wed Jan 02, 2008 4:57 pm


Return to Kernewek (Advanced)

Who is online

Users browsing this forum: Bing [Bot], CommonCrawl [Bot] and 0 guests