Nonsense story in cornish

Rag an re na ujy ow cowsel Kernowek a nivel avoncys ew an glapva ma / Rag an re na usi ow kewsel Kernewek a nivel avoncys yw an glapva ma
This forum is for those who speak advanced Cornish

Postby Davidtreth » Sat Jun 28, 2008 1:54 am

I reckon it would be fun to collaborate on writing a nonsense story in Cornish.

Yth esen vy y'n lowarth, ow mires orth an ebrenn las. Barth Duw! Yma kath dhu ow nija a-ugh an gwydh! "My a gar ladha ydhyn" yn-medh an gath. "My a wrug dyski nija, lemmyn my a yll kachya moy a ydhyn!"
An gwydh a gews ynwedh. "Ny welsyn ni kath ow nija bythkweth kyns. Koth on ni, pur goth, mes kath ow nija yw tra nowydh ragon"
"Woof" yn-medh an ki. Dihaval orth an gath, ny yll ev kewsel yn Kernewek po nija keffrys.
An pyski a hwarth. Ev a wrug usya pystri dhe dhyski an gath nija. Kas yw gans an ydhyn ragdho. Ownek yns i drefenn an gath ow nija. Res yw dhedha kudha y'n gwydh. Ny vynnons i bos dybri gans an gath.

Yn kres an koos, y fyw an wragh. An ydhyn a gews gans an wragh a-dro an pyski ha'n gath ow nija. Martesen, an wragh a yll aga gweres...
Davidtreth
 
Posts: 297
Joined: Thu Jun 21, 2007 8:49 pm

Postby Davidtreth » Sun Jun 29, 2008 12:19 am

An wragh a vywas yn chi vyhan. An fosow o lymnas gwyrdh ha rudhwynn. An to o glas. Y'n gegin, yth esa kowdarn bras. Yn kowdarn, yth esa an tra haval orth kowl mes nyns o kowl. Gwyrdh o. An wragh yn-medh dhe'n ydhyn "Rewgh an kowl dhe'n gath ha ny yll ev nija namoy. An devnydhyow rag an kowl ma yw ker. Rewgh dhymm aval owrek."

An ydhyn ynmedh "Aval owrek?! Pyth yw hemma? Ny welsyn ni aval owrek bythkweth." .....
Davidtreth
 
Posts: 297
Joined: Thu Jun 21, 2007 8:49 pm

Postby Davidtreth » Sun Jun 29, 2008 7:13 pm

An ydhyn a geskews a-dro hemma. I a dhe'n spisti. Ni a yll prena avalow y'n spisti.

Mes a spiser ynmedh "Ny werthav vy aval owrek. Mes yma an wydhenn arbennik yn gwlas pell. Martesen y hallons i kavos aval owrek ena. Soweth ny wonn vy ple'ma yw an wydhenn ma, hepken pur bell yw."

An ydhyn a geskews arta, ha y nijons i dhe Bennwydh. I yn-medh "Martesen yma an wydhenn arbennik ena. Ni a wra govynn ost yn diwotti "An Troes Bulhorn" yn Lannyust."





edited by: davidtreth, Jun 29, 2008 - 07:19 PM
Davidtreth
 
Posts: 297
Joined: Thu Jun 21, 2007 8:49 pm

Postby TheElvenLord » Mon Jun 30, 2008 12:45 pm

A-dhesempsis, yma den sowsnek, gans y gowetha, ow tos.

"Pyth yw hemma?" yn-medh ev yn sowsnek "Kathes ow nija, gwydh ow kewsel, Keun ow woof! Nyns yw hemm gwiw!"

Y fydh pesya....

TheElvenLord
 
Posts: 971
Joined: Sun Sep 16, 2007 8:51 pm

Postby Davidtreth » Mon Jun 30, 2008 2:11 pm

An den sowsnek yn-medh "Pur goynt yw, res yw dhymm kavos diwes krev."

Ev eth dhe'n Troes Bulhorn ha y frenas botel vodka.

An ydhyn a wra dos yn diwotti. "pinta korev mar pleg", yn-medh an ydhyn.

An Sows yn-medh , ow usya y ger unnik Kernewek ev re dhyskas, "Kakkamanna! Ydhyn ow keskel! Ydhyn owth eva korev!"

Ytho, kwilkyn a wrug dos yn diwotti. "Jenevra ha tonik mar pleg" yn-medh ev.

Yma diwskovarn vras dhe'n kwilkyn. Mes nyns yw ev lowen.

An Sows yn-medh "My re evas re a vodka." ha kosk yn y gador....



edited by: davidtreth, Jul 01, 2008 - 12:11 PM
Davidtreth
 
Posts: 297
Joined: Thu Jun 21, 2007 8:49 pm

Postby Davidtreth » Tue Jul 01, 2008 12:17 pm

"Prag os ta mar drist?" yn-medh an ydhyn.
"My a wre bos Dug Kernow, mes lemmyn mirewgh orthiv!"
"Martesen an wragh a yll dha weres. Ni a wrug gweles an wragh. Ni a vynn bos salow diworth an gath ow nija. Mes res yw dhyn tyli an wragh gans aval owrek. Ni a hwila aval owrek."...
Davidtreth
 
Posts: 297
Joined: Thu Jun 21, 2007 8:49 pm

Postby Davidtreth » Wed Jul 02, 2008 2:50 pm

An kwilkyn "My a wrug klywes an henhwedhel, hwi a yll mos dhe gwlas pystri. Martesen yma aval owrek ena. Res yw dhywgh gul dons arbennik orth an Men an Tol ha lamma dresto. Mes ny yll ev bos gwir, sur."

An tavernor ynmedh "Gwir yw. Mes res yw dhywgh mos dhe'n wragh wynn Zennor dhe gavoes dannvonadow rag an dons. Soweth, hi a wra agas apposya kynsa. Kales yw dhe sewena."

Davidtreth
 
Posts: 297
Joined: Thu Jun 21, 2007 8:49 pm

Postby Davidtreth » Thu Jul 03, 2008 9:15 am

An gorthuger a besyas, ha'n ydhyn, ha'n kwilkin a wrug dos ha bos pur vedhow.
Davidtreth
 
Posts: 297
Joined: Thu Jun 21, 2007 8:49 pm

Postby Davidtreth » Wed Jul 09, 2008 11:33 am

An Sows, an kwilkyn, ha'n ydhyn a dhifunas yn-dann an wydhenn. Ny yllons i perthi kov, fatell wrussons i dos ena.

An Sows a vedh nebes mollethi sowsnek. An kwilkyn yn-medh "Res yw dhyn eva dowr". An wydhenn yn-medh "Kewgh dhe fenten sans Tregaminion, yn Morvah. Henn a wra aga gweres."





edited by: davidtreth, Jul 09, 2008 - 01:04 PM
Davidtreth
 
Posts: 297
Joined: Thu Jun 21, 2007 8:49 pm

Postby Morvran » Wed Jul 09, 2008 8:39 pm

Ny yllir usya "yn-medh" kepar dell wre'ta yn fennowgh. Morvah = Morvedh yn Kernewek.
Morvran
 
Posts: 2192
Joined: Mon Mar 05, 2007 6:48 am

Postby Davidtreth » Sat Jul 12, 2008 10:58 am

Ytho, i eth dhe fenten sans, ha evsons dowr. Henn a wrug byhanhe aga drok-pennow.

Mes hware, an gath ow nija a omdhiskwedhas.

An ydhyn a wrug kudha diworthi yn gwydhenn, mes onan diwortha o re helergh, ha'n gath a wrug y ladha.

Ytho, pyski a wrug mos....



edited by: davidtreth, Jul 12, 2008 - 11:00 AM
Davidtreth
 
Posts: 297
Joined: Thu Jun 21, 2007 8:49 pm

Postby Davidtreth » Sat Jul 12, 2008 10:14 pm

An pyski a vedh "Kowethas koynt yw hemma. Sows, kwilkyn gans diwskovarn vras, ydhyn. Prag? Pyth esowgh hwi ow kul?"
"Ni a hwila an wragh wynn Senar. Ni a vynn mos dhe wlas pystri dre Men an Tol, rag kavos aval owrek, rag tyli gwragh arall, rag kowl arbennik, rag hedhi an gath ow nija."
"My a wor, dannvonys diworth an keth gwragh ov vy. Hi a'gas gwaytya, ha a wrug ow dannvonys, rag agas apposya. My a wra an kynsa apposyans. My a wovynn orta nebes govynnadow. Yn kynsa, pyth yw Kernow?"
An kwilkyn a vedh "Ow Dugeth. Dug Kernow ov vy"
An pyski a hwarth, "Nyns os ta Dug, kwilkyn os."
An Sows a vedh "Konteth Pow Sows yw"
An pyski a dowlas doust pystri dresto. Yma tardh bras, ha'n sows a wrug trelya yn kronack hager du bras. Ev o mar vras avel den hwath, mes kronack o....
Davidtreth
 
Posts: 297
Joined: Thu Jun 21, 2007 8:49 pm

Postby Davidtreth » Thu Jul 17, 2008 5:20 pm

Onan diworth an ydhyn a vedhas "Hen bro geltek yw. Bro dha ha splann yw."
An pyski a vedhas "Gwir. Lemmyn, an nessa govynn."...
Davidtreth
 
Posts: 297
Joined: Thu Jun 21, 2007 8:49 pm

Postby Davidtreth » Sat Jul 19, 2008 11:19 pm

An nessa govynn yw "Py lies pyskiow a dryg yn Kernow?"

my a wra mos dhe Almayn avorow rag teyr seythun, martesen nebonan arall a yll skrifa omma...
Davidtreth
 
Posts: 297
Joined: Thu Jun 21, 2007 8:49 pm


Return to Kernewek (Advanced)

Who is online

Users browsing this forum: CommonCrawl [Bot] and 1 guest