Page 1 of 1

Kan

Posted: Sun Nov 14, 2010 9:10 pm
by Karesk
Ottomma ow assay dhe dreylya kan dhyworth Shetland henwys “King Orfeo”
( http://www.bartleby.com/243/15.html
http://www.youtube.com/watch?v=nBlbaIbyCgI )
Da yw genev nebonen dh’y ewnhe po gwellhe.

Yth esa trigys yn y lys
Avarr yw glas an wydhen
Myghtern dres Howldrevel a’n Bys
Mayth a karow pub blydhen.

Demedhys o dhe arloedhes
Usi genys yn Howlsedhes.

Dhe’n helgh un jydh pan ev a wre
Y wreg ev gesys o yn tre.

“Yn kerdh pan ythys ogh ha tru
Yn guw gallas oll dha deylu.

Rag Myghtern Spyrysyon a wan
Gans seth dha wreg dre golonn glan.”

Ev a’s sywyas aberth yn koes
Ny gavas marnas karrek loes.

Y bibow byw a dhalghenn ev
Leun a drystans yw y enev.

Wostalleth y hwra kanow keudh
Ha nessa y hwra kanow heudh.

Ha wor’ an deweth karol skav
A alsa yaghhe kolonn klav.

“Deus aberth yn agan lys
Deus abarth dhyn oll an bys.”

Y teuth aberth yn aga lys
Abarth dhedha y oll an bys.

Y bibow byw a dhalghenn ev
Leun a drystans yw y enev.

Wostalleth y hwra kanow keudh
Ha nessa y hwra kanow heudh.

Ha wor’ an deweth karol skav
A alsa yaghhe kolonn klav.

“Gwra henwel dhyn dha wober gwiw
Rag piba dhyn, ha ty a’n piw.”

“Y hanwav vy ow gober dhywgh
Daskorr dhymmo ow gwreg gwrewgh.”

“Kemmer dha wreg ha ke dhe’th wlas
Bydh dhe’th kenedhel myghtern mas.”

Re: Kan

Posted: Mon Nov 15, 2010 8:09 am
by Anselm
Kan yw brav ha hwek!