Page 1 of 1

Kala' Me lowen dhewgh hwi onan hag oll

Posted: Sun May 01, 2011 7:38 pm
by Karesk
Re beuv ow kwandra oll an nos
Ha rann vrassa a'n myttin teg
Yth esov vy dhe-dre ow tos
Ha skorenn hogan my a dheg

Ple ma Sen Jori, ple ma an gwas?
Yn y dank y'n difeyth, ow kul kas.
Y nij an hok, y koedh an golomm.
An Gwav koth a verow yn tromm,

Sugen an gwydh a yskynn,
rag Hav yw devedhys hedhyw.
Ass yw lowen an ydhyn -
Myttin heudh Me a dhasvyw.

Ow han yw gwres, yth av dhe-ves
Na allav vy gortos namoy.
Pennglas stallys, blydhen soenys,
Ha Me dhewgh hwi oll leun a joy.

Re: Kala' Me lowen dhewgh hwi onan hag oll

Posted: Sun May 01, 2011 8:49 pm
by factotum
Ha dhywgh hwi ynwedh, gwryz yn ta!

Re: Kala' Me lowen dhewgh hwi onan hag oll

Posted: Sun May 01, 2011 10:10 pm
by Karesk
An nos na yw nos da
Mar myn'ta pyskessa.

Mar myn'ta kavoes feus,
kevrin ragos a'm beus.
Whither ryb an vorlann.
Na whither hern vyth mann.
Gyllys dhe goll yw oll an kordh na.

Y kevydh neppyth a vern
Moy dhis ages bern a hern.
Dres a-dreus an mordardh
dhiso a dheu unn bardh,
yn sagh a ledher ow neuvella.

Bardh munys ev a vydh,
Baban byghan a brydydh,
mes dres pub bardh oll an gwella.

Tri dydh war mor yn sagh
Naw mis yn torr an wragh
Blydhen ha dydh ow pryjyon per,
Ow tyski pystri gwia-ger.
Ny yll denvyth marnas ty y gachya.