Page 1 of 1

Studh minorita kenedhlek

Posted: Mon Jul 18, 2011 4:46 pm
by carrek
Pandr'eus tus ow predery dro dhe Gernowyon ow bos grontys studh a vinorita kenedhlek? Ero'whei ow predery dre vedh wharvos? Dhe'm bres vy an Tories a via moy gwirhaval dh'y wul es Lavur ha'ga bres cresyek (?), bus nag o'ma sur. Piw a wor pandr'a vedn anjei gwul!

Re: Studh minorita kenedhlek

Posted: Mon Jul 18, 2011 5:38 pm
by Kathlovenn
Ny wonn. Nyns yw studh kenedhlek an keth tra avel digresennans.
An Ladron Las yw kesunyansydhyon dre hengov. Nyns yw Kernow a vern dhe'n Ravnoryon Rudh. Yma moy gwrys gans Lavur yn kever digresennans, mes senedhow yn Alban ha Kembra a re dhedha gwaytyans a alloes.
Mes studh minorita kenedhlek yw moy mater a wiryow denel. Yn gwiryonedh, henn o an hengov Lavur yn termyn eus passyes, mes ny wonn yn eur ma.

Re: Studh minorita kenedhlek

Posted: Tue Jul 19, 2011 12:29 am
by carrek
Gwir ew dre wrug anjei rei dhe'n Albanyon ha'n Kembrion digresednans, bus a-jei an peth a wron'jei gelwel "Pow Sows", Lavur ew an brassa cresedners anedhans oll, mir orth an peth a wrug anjei saya gen digresednans radndiryel, ha'ga nagh dhe bredery dro dhe Senedh Kernow.

Ha dhe bart a wiryow denel, ma Lavur oll rag gwiryow a bobel du, po asiek, bus nebonan dhort Breten ew "Bretednek", nag eus tra veth oll henwys "Kernowek".

Re: Studh minorita kenedhlek

Posted: Tue Jul 19, 2011 7:38 am
by Kathlovenn
Na goel orth an Ladron Las. Rann a'n Vretonyon a dybi an Nazis dh'aga gweres. Kammgemmeryans o.

Re: Studh minorita kenedhlek

Posted: Tue Jul 19, 2011 10:46 pm
by Anselm
Kammgemmeryans ha gwall yn-hons dhe'ga musura. Ow leverel nyns esov dell goedh dhyn fydhya orth Strollas Unolyethek Rosenn Rudh Pow Sows, mes yn despit dhe henna - hag y fia nebes elvennow anedha yn Kembra ytho lowen lowr yn Sisili - y feu res dhe'n Strollas Lavur dhien omwaya a dro dhe dro, ha henna y'n gwrusons yn-unn skernya pub dans y'ga fennow. Omwaya y'n gwruson orttiwedh rag yth o res dhedha dewis yntra ri boghes ha kelli meur.