Page 1 of 1

Kernow diwyethek

Posted: Mon Jul 18, 2011 11:55 pm
by carrek
Nag ew da genam policy diwyethek an consel (mars eus), mon'jei ow corra Kernowek war arwodhyow stret en letherednow pur vian, hag en font coth. Mirowgh orth arwodhow pluw Kenwyn. Pandr'ujy hedna ow leverel dro dhe dybyansow an consel dro dh'agan tavas?

Ha moy es hedna, hanow agan corf poblek rag an tavas ew en Sowsnek! Ofis ar Brezhoneg, Euskaltzaindia, Foras na Gaeilge, Bwrdd yr Iaith Gymraeg, Coonceil ny Gaelgey - ma oll an cowethansow ma ow kelwel aga honen dre hanow et aga yethow aga honen.

Trei bledhen woja an FSS ha whath nag eus arwodh diwyethek dhe'n consel.

Image

Ma arwodhow stret moy ha moy war fordhow Kernow mes an Kernowek ew 10% a vraster an Sowsnek.

En teleryow erel en Europe mon'jei ow scrifa yeth an stat an keth ha'n yeth kenedhel.

Image

Image

Image

Anjei a vedn leverel dhe nei nag ew Kernowegoryon bus 0.5% a boblans Kernow, bus a dal dhe nei aga gasa? Scoodh an yeth po na scoodh e.

Pandr'a wra y leverel dro dhe scoodhyans an yeth en Kernow?

Pandr'a wra y leverel pan th ew Pow Frynk brassa scoodhyer a yethow minorita avel Kernow?

Re: Kernow diwyethek

Posted: Tue Jul 19, 2011 7:17 am
by Kathlovenn
Mar kwren ni oll skrifa dhe'n konsel a dro dhe henna, yn Kernewek, dhe'n lyha y fydh res dhedha paya nebes besons dhe Vaga dh'aga threylya.

Re: Kernow diwyethek

Posted: Tue Jul 19, 2011 10:39 pm
by Anselm
Tybyans brav!

Re: Kernow diwyethek

Posted: Wed Jul 20, 2011 11:43 pm
by factotum
Nynz eus moy ez 1 po 2 kansrann a duz yn Alban ow konvedhez Gwydheleg (Albaneg), mez le mayth yw geryow Gwydheleg skrifyz yn pobleg, a'n keth braster yns agez an Sowsneg.

Re: Kernow diwyethek

Posted: Thu Jul 28, 2011 5:11 pm
by carrek
Dhe'm bres vy th ew an consel dhe vlamya mar veur avel nebonan aral. Nag ens maga crev gen herdhya an tavas e'n lagas poblek der alja anjei bos.

Re: Kernow diwyethek

Posted: Sat Jul 30, 2011 2:06 pm
by Anselm
Gwir an ger. Milwell yw studh an yeth es dell o ha my maw, mes hwath yma hyns pell dh'y droesya.