Page 2 of 2

Posted: Mon Sep 14, 2009 10:59 pm
by truru
Ma an gwir gen Goky, ev a dhalleth war an 22ens.

Posted: Tue Sep 15, 2009 8:29 am
by Karesk
A qurellen ni omladh yn kever an prysyow, a alsen ni bos cosel yn kever an taves?

Posted: Tue Sep 15, 2009 9:09 am
by pietercharles
Drog yw genev – my re dhallathas dadhel heb assaya y wul!
Gwir yw henna, heb mar – Hav yw, herwydh movyans an norvys. Mes yn bys an tornyaseth an Hav a worfenn orth penn mis-Est – martesen drefenn an fleghes dhe vos y'n skol arta, ogas ha pup-tra oll dhe dhegea, ha'n fordhow dhe wakhe a-dhistowgh!
Mes ny vynnen vy dalleth dadhel, ha rakhenna my a gildenn ow geryow.  Ewn os, Karesk, Hav splann yw!
Ha lemmyn, neppyth ny yllyn dadhla a-dro dhodho…pandr'a vynn redoryon dhe gavoes avel ro Nadelik?

Posted: Tue Sep 15, 2009 9:27 am
by Karesk
Ergh, tan, ilow ha kerensa! Ha livrow yn Kernewek, pynag lytherennans oll.
Ha ty, pandr'eus whans dhiso?

Posted: Tue Sep 15, 2009 12:58 pm
by Gorvrywi
Gorhemmynadow howlyek a Kerdydh dhewgh hwi oll!  Ogh, Nadelik!  Ny vynnav cows a dro Nadelik whath!

Posted: Tue Sep 15, 2009 8:39 pm
by pietercharles
Ha lemmyn nyns yw klapp a-dro dhe Nadelik plegadow dhe redoryon!   
Ytho, assayyn testenn nowydh - piw a wra mos dhe Lowender Peran?  Pyth yw an gwella tremmynn a'n goel na?
(Mars yw an destenn na kasadow ynwedh my a wra mos dhe vires orth paynt ow sygha).

Posted: Tue Sep 15, 2009 9:30 pm
by Karesk
Testenn pur blegadow yw. Nevra ny wruga vy mos ena, ha bysy oma an pennseythun na. Y whaytyaf ow bos ena nessa bledhen. A wreta y commendya? Py bagas a gerydh an gwella?


Fatel yw an paynt?

Posted: Tue Sep 15, 2009 9:49 pm
by pietercharles
A wrav vy kommendya Lowender Peran??  Heb mar!  Goel splann yw.  Bydh ena po bydh pedrek (po neppyth a'n par na.  Gwell yw an lavar na yn Sowsnek, dell yw apert.  Res yw dhyn prederi a-dro dhe neppyth gwiw yn Kernewek)!
Ragov vy an gwella bagasow yw...(yma dadhel ow tos!)...an bagasow bretonek.  Pur grev yw an Vretonyon y'ga gonisogeth ha pub blydhen i a rester hwarvosow - po dons po ilow po neppyth arall - splann.
Ha'n paynt?  Ymava ow sygha 'yn kosel'.


Posted: Tue Sep 15, 2009 11:00 pm
by truru
Na ruga vy nevra mos dhe Lowender Peran ywedh, na worav lowr anodho, res ew dhebm whila derivadow pella.
A veu nebonan dhe wharvosow keswlasek a'n par na avel Gool Media Keltek?
http://gwagenn.tv/videos/

Posted: Wed Sep 16, 2009 8:35 am
by Karesk
Res yw dhym bos pedrek an vledhen ma, drog yw genev.
A brederough why an Gernowyon dhe allos cressya yn gonisogeth mar grev avel an Vretonyon?

Posted: Wed Sep 16, 2009 5:03 pm
by pietercharles
An wonisogeth kernewek res eth ha bos kreffa dres an kansblydhen kyns, dell wodhon, mes argerdh pur lent yw henna.  

Kler yw y hyllyn mos ha bos kreffa y'gan gonisogeth, mes nyns yw apert y hwra henna hwarvos.  Nyns eus gwelennik hudel - res yw dhyn oberi 'dydh ha nos' rag gwitha ha kressya an wonisogeth kernewek.

Ny wonn mar pydhyn sewen.  Mar pydhyn, gwynn agan bys.  Mar ny bydhyn, terroesa vydh.

Posted: Wed Sep 16, 2009 8:01 pm
by Karesk
Py tremmyn a wonisogeth kernewek a yl aweni an bobel an moyha? Ple coodh dhyn lywya agan ober?