Page 1 of 1

Rosc Catha na Mumhan / The Boyne Water

Posted: Wed Jul 18, 2012 10:50 pm
by Anselm
Unn Myttin Brav

Unn myttin brav ryb glann an mor,
yn dydhyow tesek Metheven,
yn-tromm palores freth hy hor
a levas dhymm a'n reden:
“Hedhyw klyw tardh an tonnow does,
klyw garm an dus yn-dann vegh boes;
avorow omguntell a vynnons orth an karn
ha keskerdhes dhe-ves yn lu kadarn.”


“Gans marth kows edhen my a'n klyw,”
y'n medhis dhe'n balores;
“Ha spyrys Arthur os yn-fyw,
a'gan saw ni a bub diodhnes?”
“Hedhyw klyw tardh an tonnow does,
klyw garm an dus yn-dann vegh boes;
avorow omguntell a vynnons orth an karn
ha keskerdhes dhe-ves yn lu kadarn.”


“Kreatur ov a'n kroftow ha'n als,”
Y'n gorthybas hi, “mann hen spyrys,
ha dhis y terivav vy gorvynnow pals
an re na dhe'n ewn yn-tetermys:
“Hedhyw klyw tardh an tonnow does,
klyw garm an dus yn-dann vegh boes;
avorow omguntell a vynnons orth an karn
ha keskerdhes dhe-ves yn lu kadarn.”


“Na moy ny vynnons i godhevyl kamm
na kompressans an hager duront;
chalenjya a vynnons i war unn lamm
aga herth ha'ga gwiryow yn amont:”
“Hedhyw klyw tardh an tonnow does,
klyw garm an dus yn-dann vegh boes;
avorow omguntell a vynnons orth an karn
ha keskerdhes dhe-ves yn lu kadarn.”